Jun 2, 2008

Беларуская чыгунка прыраўняла ровары да раварыстаў

З заўтрашняга дня, 3 чэрвеня, Беларуская чыгунка значна пагаршае ўмовы правозу ровараў у прыгарадных цягніках.

Цяпер перавозка ровара будзе каштаваць столькі сама, колькі поўны білет да патрэбнай станцыі. Дагэтуль максымальны кошт правозу ровара складаў няпоўныя 2 тысячы рублёў.

Гэтак, да прыкладу, яшчэ сёньня даехаць зь Менску да станцыі Параф’янава (19 зона) з роварам можна за 10340 рублёў, а ўжо заўтра за тую ж вандроўку давядзецца заплаціць 16720.

Раварыстам застаецца на выбар або плаціць за ровар, як за сябе, або перад паездкай разьбіраць яго і ўпакоўваць. Пры гэтым агульная вага багажу разам з роварам не павінна стаць большай за 36 кіляграмаў. За лішак давядзецца таксама выкласьці поўны кошт «чалавечага» білету, зноў жа паводле новых правілаў чыгункі.

Нагода прыгадаць, што Беларускай чыгункай дагэтуль ня створана ніякіх умоў для перавозкі ровараў ні ў прыгарадных, ні ў міжгародніх цягніках.

Да бюракратычных абмежаваньняў па суме парамэтраў упакаванага ровара ў міжгародніх цягніках, неабдуманага патрабаваньня перавозіць ровар у вузкіх тамбурах з чатырма дзьвярыма ў цягніках прыгарадных цяпер дадаецца высокі кошт на перавозку.

2 comments:

  1. Дзядзька, а ты ўпэўнены, што цябе не надурылі?

    http://forum.poehali.net/index.php?board=11;action=display;threadid=11916

    "Позвонил на вокзал - ничего не слышали, у них только обычные инструкции о ручной клади до 36, 50 кг и так далее. Ну и про габаритные товары.
    Ничего не менялось.
    "

    ReplyDelete
  2. http://img115.imageshack.us/img115/7843/rovaryb4ql9.jpg

    ReplyDelete