Aug 15, 2008

Велаходнік на Магістральнай, Машынабудаўнікоў, Крупскай

Знайсьці дарогу безь велапаласы становіцца ўсё складаней, а хочацца ўсё больш. Тым больш што тэхналёгіі раварызацыі ходнікаў становяцца ўсё больш прасунутымі.

На Магістральнай, Машынабудаўнікоў і Крупскай зьявіліся новыя недадарожкі — бяз фарбы й без паловы знакаў — можа, пакуль. З бардзюрамі ў траціну 28-цалёвага кола ды пераскокваньнем на розныя бакі дарогі цераз 6+1 палос ды тры сьветлафоры — пэўна, назаўжды.

Гэткая раварызацыя пагражае скончыцца скутэрызацыяй: па бардзюрах скакаць ня трэба, на пешаходных сьветлафорах па два разы на адным скрыжаваньні стаяць ня трэба, па бугрыстым асфальце трэсьціся ня трэба, у рамонтніцую камізэльку ўлазіць ня трэба, правы атрымліваць ня трэба, пэдалі круціць ня трэба. Едзеш сабе па ўкатаным асфальце, па любой вуліцы, хоць самым праспэктным праспэкце!

Так што, спадар Паўлаў, не чакайце, пакуль абвеладарожаць ходнікі з Цэнтральнага раёну ў Завадзкі — купляйце скутэр. На ровары, думаю, вам ня дужа спадабаецца.

















2 comments:

  1. Спасибо за ролики, и вообще за всё дело. Приятно вспомнить летние прогулки. Хотя надеюсь, что до зимы ещё получится пару раз выехать.

    А почему видео с Крупской не для всех?

    ReplyDelete
  2. [e]Bu$ter, відэа з Крупскай проста забыўся перавесьці ў публічнае. Цяпер выправіў, дзякуй.

    ReplyDelete