Jun 27, 2013

Сьвежавыяўленыя веластаянкі, чэрвень 2013

Радыяльная, 52. Бровар «Крыніца». Колаўторквалка, уторкваць кола ў якую дурных няма. У краму пры заводзе заскочыць — самае тое. А вось для работнікаў варта было зрабіць штосьці побач за плотам на пільнаванай аўтастаянцы.



 
 
Вуліца Калініна, 19. Разьлікова-касавы цэнтар № 3.. Васьмімесцавая колаўторквалка, у якой з адрывам выйграюць парэнчы ля прыступак.


 
 
Праспэкт Ракасоўскага, 3. Прадуктовая крама. Кола, вядома, лепш ня ўторкваць — лепш прыладзіцца збоку. Вышыня дазваляе. Хоць, вядома, брак і грошы на вецер



 
 
Машэрава, 1. Coffeebox


Па выглядзе ды габарытах колаўторквалкі вымалёўваецца вобраз ідэальнага кліента кавярні:


 
 
Вуліца Якуба Коласа, 36. Крама «Падарункі».

Гэта веластаянка ў Менску, каля якой усе фатаграфуюцца. Адпаведны надпіс мусіць зьявіцца неўзабаве. Дарослы ровар у яе катэгарычна ня ўлазіць — і гэта нармальна! Прыгожанька, чырвоненька, рамбавідненька — а тут потныя раварысты з сваімі бруднымі коламі?! Каб раварыстам было зусім сорамна, колавырывалка зроблена так, каб уторкнуты ровар перакрываў пешаходныя траекторыі крыху менш як цалкам.


4 comments:

  1. На апошняй ровар пастаўлены ну вельмі ўжо далёка ад будынка.

    ReplyDelete
  2. А як трэба было?

    ReplyDelete
  3. http://blrovar.blogspot.com/2011/07/20.html
    http://blrovar.blogspot.com/2010/10/11.html
    http://blrovar.blogspot.com/2010/09/13.html
    http://blrovar.blogspot.com/2012/07/30.html

    ReplyDelete